مدراء آخر زمان ... حسبي الله ونعم الوكيل

السلام عليكم ورحمـة الله
أترك الصورة تتكلم

ما زال ما شفت والو ......لوكان عندي سكانير نوريلك المدير اتاعي واش راه يكتب .......لحق حتى يجاوبني فالتقرير اليومي بما يلي: 
لماذا غيرتي قفل باب مكتبك بدون إذني ، اعطيني نسخة عن المفتاح الجديد لانني اتفقد جميع المكاتب في الليل

كما كتب على الحساب المالي ارفض الإمضاء على 05 نسخ ، نسخة واحدة تكفي 

وكتب ايضا : les sac poubelles  لا تحتاج الى  bon de commande ، دبري راسك 

وكتب ايضا : عندما طلبت حضوره في اجتماع من اجل جدول المناوبة في عطلة الصيف:
نغلقوا المؤسسة ، وندبرو كاش كلب ، كتبها في التقرير اليومي وليس كلام فقط 

يا زميلي : حسيت الآن بانك مازال ما تلاقيتش مع وحد النوع من المدراء

حسبي الله ونعم الوكيل

راهو يدور غير الطايوان ، بصح كاين---------- بروميي شوا   ----- ودوزيام شوا ------ وطروازيام  شوا 

ونزيدلك : كي جا المفتش تع المالية باش يرسمني ، قالو ما ترسمهاش حتى تعطيني المفتاح تع المخزن ، كاش ما يخصني نجبد وحدي ......
و قالو هاذي راهي حابة تباصيني ----تعطيني نسينيي الموندا  قبلها ، وانا والله ما نسينيي قبل ما تسينيي هي .....
وكيما كان الحال من جانفي الى غاية يومنا هذا : هناك 0.00 نفقات في السجل ، وخليه فالصيف كي يجو يقطعو عليه الماء والكهرباء والغاز ، يتفكر واش كان يقول كي كان في ليتساع .انا مارانيش ساكنة ، اذا ما نخممش على اللي ما يخموش .

هذا هو حال مدراء العالم الثالث.....انا في رايي   اللي يحب يولي مدير لازم يكون خدم على الاقل 05 سنوات فالمصالح الاقتصادية.

نعم هذا ما يحدث للاسف من مدراء اخر زمن لكن تاكد انه لن يضرك بشيء ...انا لدي 06 اشهر في المجال كمقتصد ولست مرسم وليس لدي اعتماد وصلت مع المدير الذي يخدم  معايا الى ابعد من هذا ...واش من استفسارات وواش من تنبيهات وتقارير بعدم حضور المقتصد لرفع العلم الوطني و هلم جر يا اخي الكريم ...لكني لم اعره اي اهتمام لاني اعرف السبب الخفي والدفين وراء كل هذا وهو اني راني غالق عليه كل المنافذ من اجل النهب والاستغلال وقالها بعظمة لسانه حين واجهته قالي راك غالق عليا كل الجهات بالرغم انك جديد ومرضتني وطلعتلي السكر  وانا رديت عليه قتلو ادعي ربي ما اتمش تخدم معايا لانه سسوف تصيبك كل الامراض ان شاء الله سينو غير حوس على بلاصة اخرى وقلتهالو ندخل وقت ما انحب ونخرج ما انحب ودز معاهم ....يا اخي دير في بالك ان المدير احب احس انو مدير على المسير المالي ولا يلق الطريقة لذلك الا استعمال ما خوله له القانون اللعين من استفسارات وتنبيهات وانذرات وخصم ...لكن الزمان ولا الذل اخي الكريم ومدام انك على حق ومرضي ربي الكل يذهب الى الجحيم

الوصاية راهي تاكلة على المقتصدين القدم لانها شادتهم من اليد اللي توجعهم : السكن الوظيفي اللي قفزو بيه في وقت الغفلة ، اما احنا الجدد  نطبقو على الوصاية : اللي ما ربح  ما عندو ما يخسر .... وتروح تدبر مسيرين ماليين من الشينوة  باش يهمبرو  ليل ونهار ...

يا سيدي ما عطاولناش السكن الوظيفي ، يدبرو راسهم  يعوضوهولنا بمنحة تعادل الاستفادة من السكن الوظيفي ن على الاقل نخلصو بيها الكراء تع الدار .

اعرضوا على قهوة فى مكتبه  من ثم شوف قرمة  ........ وبعد الانتهاء عيطلوا على الحماية يدوه للمستشفى

إذا كنت من أصحاب النفس الطويل ولاتتأثر بقرارات المدير مهما كانت فما عليك إلا مواصلة عملك بهذه المؤسسة وأكثر من مراجعة المناشير التي تتكلم على العلاقة الموجودة بين الرئيس والمرؤوس في الإدارات العمومية وبالتحديد في المؤسسات التربوية لكي لاتقع في أخطاء مع هذا المدير وتقدم له خدمة من أجل معاقبنك مرت ثانية وإذا كنت من الموظفيتن الذين لايستطعون تحمل المشاكل يومبا وتؤثر على حالتك الصحية فأنصحك كأخ في الله وكزميل في الوظيفة أن تغير مكان عملك إلى مؤسسة أخرى قريبة من مسكنك وهذا لتفادي كل المشاكل مستقبلا مع مثل هؤلاء المسؤولين الذين ليست لهم خبرة في مجال التسيير الإداري أوتسيير المستخدمين

نعم النصيحة  سيد عيش ، والله غير عندك الف حق

[size=18]مدبر لا بعر ف القواعد اللغة اسراركم با ص و لبس س با حمار[/size]

والصحيح هو : اقترح تقديمكم للمجلس التأديبي     أو   عرضكم على المجلس التأديبي    

لأن عبارة :  تقديمكم على المجلس التأديبي    فيها نوع من الأولوية  والتفضيل

واقولها بصراحة العبارة اين كنا واين نحن الان الله لايربحكم اهانتوننا بمصالحكم الخاصة والبزنسة والتشيات لاطريقة عمل ولاشخصية مفروضة فى الميدان ولا همة ولاصدق ولا نية فى العمل