كل واحد يرفد قشورو======= كل واحد يزوق سورو
سيارة تسوى مليار ========= وزبل عنده في دار
كرهنا من الحفن يا نمار ====== الي تقلو يقولك خطيه
شاد البورطابل يتكسل ======= وقدامو عرام زبل
يخلص سنطوتش يكول ======= يرمي الكاغط برجليه
ساشيات في طرق هاملين====== قرع نيلو مرميين
شوارع كبار متركين========= حوانيت زنجرو مغلوقين
الحيوط منسبغوش سنين ====== باب حانوتو ما ينقيه
حتى حوتة كي طلت ======= في شط البحر أنخلعت
شافت النفايات أنخلعت ====== راحت للحوت تخبر فيه
واحد ماراه مهتم========= غير الي يحوس غلى دراهم
ما يشوف ياسمينة ما يشم ====== ريحة الزهور ما تعنيه
إسوق منارفي زربان ======= يرمي في قشور البنان
متواقي ما راه حشمان ======= زاد كمل حتى ساشيه
ما تقدر تمشي ما خوك ======= لا مع أمك لا مع بوك
قدام الناس يسرقوك ========= الغالط يربي يهديه
راح محرم في مجرم ======= مكانش الي يتكلم
راقب ولدك وعلم ========== ما شي الدولة لتربيه
الجوج عيا ما يجوجي ======== والحبس رجع كالكونجي
باغي يحرق لليترانجي ======== قالم راهي حاكم لهيه
ما تغامر ما تموت في البحر ======= ربي على المليح إدبر
قضية وقت وشوي صير ======== صابر ربي ما يخليه
النظافة من الإيمان ======== والوسخ من الشيطان
هيا نتعاونوا يا خوان ======== نديروا حملة هنا ولهيه
على السياحة راهي حرب========= شمون الي بلادو تعجب
زين محيطك أغصب ======== خويا وطنك لباس بيه
عندنا الصحراء والجبال ======= عندنا البحر عندنا رمال
إلفو شونجي لكركتار ======= إلفو شنجي لتموسفار
نتبسم نقلع لنار ======= إعود إيجونا من كل جيه
تقول يا محلى النقا لوكان يبقى ======= تصلي على النبي وخاطرك ينشرح
موضوع: ALGER LA BLANCHE 
الأحد 20 أكتوبر 2013, 20:42
