و الله غير العيب فينا

كاين فئة تقول نقابة سيدهم السعيد انتاع لبدوبة مدارتناش والو
كاين فئة خرى تقول نقابة الصادص دزيري انتاع معلمين أو مداراء متهدرش علينا
كاين فئة ثاثة تقول نقابة حرة انتاعنا واحد ما يريكلامي علينا
هيا معليهش قداش كاين موظف في الكور انتاعنا مناش بزاف يخي بصح جامي تفهمنا و علاش أنا نقلكم و علاش هيا منقولش انخلي كلامي ....
تبالي المشكل مهوش في النقابة بارك المشكل لكبير في القاعدة اللي عجبها الحال اعلابالكم اعلاه بزاف منا عاجبو الحال انقول و لا مكالله انقول ....
كيفاه مقتصد عاجبو القرار 829/91 او قع ساكتين هذا انسميه قرار الذل, مقتصد قابض زوج مؤسسات و لا أكثر أو ساكت وي قولولو ضرورة الخدمة و اعلاه هاذي الضرورة معندش الأستاذ و لا العامل و لا المراقب و اعلاه عندنا احنا بارك لا خاطر .... معليهش نقبض التكليف خلصوني اعليه راهي شهرية اخرى مسؤولية كبيرة امباسية و لا عجبكم الحال اعلاه عجبكم الحال راح ازيدولكم عام التكليف في لاروترات محال
المقتصد يحرث ك.... و السلاطين يشكروهم او لو كان يلقاو ورقة في الساحة اقولو المقتصد مش خدام
خلونا يرحم والديكم مكالله اتضلو تشكيو لازم ثورة كبيرة مانقلكم قرن و لا زوج كيما حكاية الديمقراطية في الماريكان
انقلكم: و ما للزمان عيب سوانا و لا نقلكم: و ما لجرح بميت إيلام
ما لا صحه او تصبحو اعلى خير

انا نعك 100 بال 100 فيما تقول ....ونزيدلك ....حيرتني المادة في هذا القرار التي تقول :
المهام المالية للمدير يقوم بها المقتصد بالرغم من ان القانون هو اعلى درجة من المرسوم وهو بحد ذاته فصل تفصيلا مملا في التفريق بين المهام ....الا ان الوزارة اجتهدت كثيرا في تكبيلنا بليمينوت ....واصدرت هذا القرار المخالف للقانون في نظري .....والغريب ان البعض يفتخرون بعبارة المقتصد فوق راسه deux chapeaux وهما في الحقيقة حسب نظري deux marteaux

العيب فينا صح
لو كان كل واحد فينا يترك الهدرة الخاوية والدعوات المغرضة وينزل للميدان مع خاوته المقتصدين أينما حلوا وارتحلوا ماش خير لنا
حقنا في الميدان ودفع الضريبة بseuil plafonné

شوف يا أخي زاوي محمد المحترم احنامناش أوصياء اعلى أحد واحد ما هو وصي اعلينا الكل يتكلم كيما احب أنا معاك الميدان هو الصح أنا الشيء أللي قلتو أو مازال أنقولو هو من قلب الميدان ماهوش من راسي قع أقولو نقرفو بصح في وقت الصح الجميع تلقاهم خدامين .... وأنت تعرف خير مني و نزيدك كلمة أنا منيش من الناس أللي يثبطوا العزائم بصح الله غالب ه>ا هو لقماش ....

الا تذكر يا سيد زاوي يوم 17 افريل كيفاش دارولنا لابوليس ، مخلاوناش حتى نوقفو امام الوزارة ، ولكن سمحولنا بالوقوف في ساحة المعدومين .....لاننا معدومين في نظرهم

يعطيك الصحة الاخت فردوس انا نحكي اعلى روحي حسيت ذاك اليوم باللي رانا في مظاهرة في وقت الاستعمار ....