1- قالك ابليس هرب من الجزائر سقساوه علاش هربت
قالك .علمتهم الغش و الرشوة السرقة و الكذب......شراو الفيلات و السيارات
ثم يكتبون عليها هذا من فضل ربي
2- مزطول لقا كنز ، قال يا فرحة ما تمت .....خصتني الخريطة
3- مزطول كان يشوف فالماتش ...سمع حفيظ دراجي يقول : هدف لصالح رونالدو ...........قالو المزطول : هذا وين عرفت بلي رونالدو وسمو صالح
4- واحد زادو عندو زوج ذكورة توام ، سماهم مفتاح وفتحي ، كي لحقو في عمرهم 20 سنة مات مفتاح ، دارهم مابكاوش عليه وما حزنوش عليه ، استغربو الناس فيهم ، وكي سقساوهم قالولهم :
عندنا الدوبـــــــــــــــــــــــــــل
5- راجل زعفاتو مرتو ، راح ليه الشيطان وبدا يحرش فيه عليها حتى ضربها ، ثم راح لعند المرا وبدا يقوللها انا نقدر ندير فيه كلش ، قوليلي برك واش راكي حابة ندير فيه ، سكتت المرا وخمت شوية ثم خبرت الشيطان في وذنو ............
كي كملت الهدرة ، قاللها الشيطان :
حرام عليك ، مهما كان هذا راجلك وبابات وليداتك
6- واحد حابس عيط للحماية المدنية ، رد عليه واحد وقالو ،غير الخير واش صرالك ، قالو الحابس : في راسك ا،ما صرا والو ،برك عيطتلكم باش ما تقولوش الشعب يحوس علينا غير في صلاحو
7- مزطول في دار الشرع :قالو القاضي لوكان تعطيني 10 افعال تديرهم فالنهار وانت شافي عليهم ،نعفي عليك ونسمحلك ، قالو المزطول:1- ندبرها 2- نتخبى 3- نقسمها 4- نحرقها 5- نفتتها 6- نبرمها 7- نشعلها 8- نعمر راسي 9- نرقد 10- نعاودها كي نفطن