عندنا مثال شعبي يقول اصبر ، اصبر و لما شاف الطاجين كفر.
احنا رانا عدنا قريب 90 يوم من الإضراب جوزناهم بجميع محاينهم و اليوم كي تبقاو ايامات معدودات على تاريخ 31 ديسمبر الجماعة تقلقت و فقدت الصبر.
يا جماعة الخير المرأة و جماعتها راهم يتخبطوا كل يوم تصريح و كل يوم قرار اليوم تقول حاجة و في الغد تنكر ذلك .مثلما جرى الحال في قضية الخصم الخاص بشهر ديسمبر 2014 فهي أنكرت في بومرداس أنها أمرت باقتطاع 30 يوم كاملة من الشهر.
إذن ما علينا غير نكملوا نصبروا و نضغطوا عليها بالوقفات و الاحتجاجات و المسيرات حتان تيأس و تستعرف.
مجرد التفكير في الهزيمة راهو انتحار بالنسبة لينا. الغاشي كامل راهم يتفرجوا فينا و العدية انتاوعنا أكثر من اللي يحبونا ، ما تشفيوهمش فينا يرحم والديكم.
و نزيد أن أقول لكم هذا الإضراب ما هواش فقط خاص بالمنح و بالدراهم راه إضراب اللى غادي يرجع الأعتبار و الهيبة لهذه المهنة على جميع المستويات في المؤسسة و في المديرية و في الوزارة.
إذن يجب أن نكون في مستوى التحديات هذه هي فرصتنا الأخيرة.
و فقنا الله و سدد خطانا إنه نعم المولى و نعم النصير.[/b]