نكت جزائرية

[size=24]
واحد يبيع الحوت

واحد يبيع الحوت يعيط أياو الزرودية.
جا عندو واحد الراجل وقاله : نتا تبيع الحوت
وعلاش تقول الزرودية؟؟
قالو: باش ما يسمعونيش لقطوط.......!

رجل احول

رجل احول يرى 4 وابنه يرى 2 دخل الابن على ابوه وقال ابي هل اجلب لك قهوة انت وعمي(يرى في ابيه اثنان) فقال الاب خذ اخوانك واخرج عليا(يرى في ابنه اربعة)

واحد غني و الخر فقير

قالك زوج دخلوا للمطعم واحد غني و الخر فقير الغني طلب اكلة باللحم والفقير طلب صحن من الفول ايا الفقير بدا ياكل بسرعة شاف فيه الغني و قالوا قول بسم الله باش
ما يكلش معاك الشيطان دار عندوا الفقير وقالوا واش بيك الشيطان يخلي اللحم و يجي ياكل الفول

كبش العيد

قالك وحد الخطرة وحد السيد اشرى كبش العيد قبل عيد الاضحى بشهرين امالا كانت العائلة كلها تدلل فيه وتلعب معاه حتى انه ياكل معهم و ينام معهم في المنزل و عشية
عيد الاضحى راح الكبش جبد روحو على العايلة و بدى يبكي جات العايلة سالتو واشبيك تبكي قالهم " قعدنا بلا عيد الناس اكل شراو الكباش غير احنا

وصية الحمار

قالك مرة واحد حلم فالمنام الحمار نتاعوا يهدر معاه قالوا روح تحت الشجرة تلقلى 20 مليون
اديهم و اعطي للقاضي 5 ملايين بشرط كي تلقاني ميت ادفني فالمقبرة نتاع العباد
فاق السيد من الحلم و ما صدقش راح تحت الشجرة لقى 20 مليون دينار زاد رجع للدار لقى الحمار ميت
ايا بدا ينفذ وصية الحمار و دفنوا فالمقبرة نتاع العباد سكان المدينة رفضوا هاذ الشىء و شكاو بيه للقاضي ناداه القاضي و قالوا واش بيك تدفن الحمار نتاعك مع الموتى نتاعنا حكالوا السيد الحلم وقالوا راني لقيت 20 مليون والحمار راه وصاني وقالي مد 5 ملاين للقاضي
القاضي ما صدقش و قالوا واش قال المرحوم؟


يهودي يسـأل مسلم

قالك مرة يهودي يسـأل مسلم ويقـو لو :
نحـن اليهـود نحـرق أمواتنـــا , وأنتـم المسلمين تدفنـون أمواتكـــم ؟
لمــااذا ؟ قـال المسلم: الكنــــز يدفــــن .. والزبـــالـه
تحــــرق


وحدة قآعدة بتضحك

وحدة قآعدة بتضحك مثل آلهبلة سألوهآ : مآلك ؟!
قآلت : صآحبتي سرقت رقم حبيبي !!! "
طيب وعلاش ركي تضحكي هاك
!?? : قآلت : راها في أسبوع تبعت رسآيل حب ل ( أخوهآ )


الفـرق بـيـن الثـلاجـة الجزائرية والثـلاجـة الاوروبـيـة

الـثـلاجـة الأوروبية :
لبـن قـلـيـل الـدسـم .. لحـوم "بنسـبة قـلـيـلـة فـقـط"
خـضـروات
ورق عــنـب .. شوكـلاتـه .. بـيــض .. كيـوي وتـوت .. عـصـيـر بـرتـقـال .. كـوكـا كـولا

الثـلاجـة االجزائرية:
لعـدس تاع البـارح فالكـاسـرونـة .. نـص باطة فـرمـاج (اذا كان) .. حشيش ومعدنـوس مخـبيـة موراهم باطة ياغوت .. قراعـي ما سعيدة معمرين بالمـاء تع الروبـينـي .. نـص حبة قارص مـن رمـضـان .. كاشي تع الراس .. لي ڨوت تع العينين والسيرو تع السعلة

وأهم حاجة .. قرعة تع الخل من عهد الفينيقيين !!


رد فعل الامهات

رد فعل : الامهات الاجنبيات
الطفل : أمي أنا جائع ما قدرتش نصبر
الأم : آلي فيان مون آموغ ثم تعطيه وجبة كاملة متكاملة من الأكل و الجبن و الياهورت و الفاكهة و العصير و الماء
,,
رد فعل الامهات الجزائريات
الطفل : أمي انا جائع
الأم : راهي الحداش كي تلحق الـ12 نحطو الغذاء كي الناس
بعد ساعة : الطفل راني جيعان بزاف ماما
الام : كوول راااسي هبلتني اخرج مالكوزينة راني نمسح و تعض سنانها و تخزر فيه النظرة القاتلة


برج المراقبة

قائد الطائرة: آلو، برج المراقبة هل تسمعني؟
برج المراقبة: نعم كابتن، نسمعك بكل وضوح.
قائد الطائرة: كاين ثقب في خزان البزين وراه فرغ و نحن على إرتفاع 10 الاف قدم، واش نديروا؟
سكت اللاسلكي لحظات.. ثم:
برج المراقبة: كابتن، هل تسمعني؟
قائد الطائرة: نعم، بكل وضوح.
برج المراقبة: اوك، قول ورايا " أشهد أن لا إله إلا الله، و أن محمدا عبده ورسوله



عندك الزهر

واحد الإرهابي صدم على دار , صاب عجوز وشيخ راقدين , أيا صوب الكلاش ليهم وقال للعجوز واش اسمك ؟ قاتلو خيرة , قالها عندك الزهر على خاطر اسمك كيما اسم العجوز يما , وممبعد راح للشيخ وقالو واش اسمك ؟ قالو الطاهر ويعيطولي خيرة


المصباح السحري

قالك زوج جيران واحد غني و الاخر فقير. الفقير عندوا المصباح السحري كل صباح يمسحوا يخرج العفريت يقولوا شبيك لبيك اطلب كل شيئ بين يديك الفقير يقولوا اعطيني كاس شاي شافوا الغني و حسدوا على المصباح السحري و بغى يديلوا المصباح قالوا نعطيلك الفيلا و السيارة واعطيني المصباح الفقير قبل بالمقايضة . مسح الغني المصباح وخرجلوا العفريت قالوا شبيك لبيك كل شيئ بين يديك قالوا بغيت فيلا على شاطئ البحر قالوا العفريت اسمحلي خويا نسربي غير الشاي


هل تعرف تعوم؟؟

سأل أمريكي جزائري: هل تعرف تعوم؟؟ جزائري: لامنعرفش ...أمريكي: اذا الكلب أفضل منك لأنه يعرف يعوم ....سأل الجزائري الأمريكي: وأنت تعرف تعوم؟؟؟ قال الأمريكي: نعم نعرف نعوم، قال الجزائري:.............اذا لا يوجد فرق بينك و بين الكلب


ديما يغسل المواعن

قالك واحد غلباتو مرتو ديما يغسل المواعن هو , واحد النهار راح لواحد صاحبو قالو كيفاش ندير معاها قالو روح مزعف واصرخ عليها ضرك تخاف منك , أيا نهار دخل للدار مزعف بدا يعيط قالها أسمعي يا خيرة ناضت هي ثاني تعيط قاتلو واش تحب يا حمار قالها كشما مواعين نغسلهم


طبيب أطفال

عجوز سقصات واحد " واش تخدم "؟ قالها طبيب أطفال , قالتلو وعلاش يا وليدي ماكنش عندك الدراهم تكمل قرايتك ؟



بعد الامتحان

واحد كان ماشي يدوز متيحان
وهو خارج قلو باه
الاب : الى ماجيبتيش المعدل مانا باك مانتا بني
الابن : واخا الواليد
.....بعد الامتحان....
الاب ; اوا ا ولدي شنو عملتي ؟؟
الابن : شكون نتا اخويا.....؟؟


تصور بين 2 حمير

قالك واحد السيد تصور بين 2 حمير وبعثها لصاحبته...وكتب تحتها ملاحظة "راني في الوسط


عجوزة دهبت عند الدكتور

واح العجوزة دهبت عند الدكتور وقالت يا دكتور انا اكل حـ.ــبة تفاحة في دماغي كلي كليت 2 حـ.ــبات
و كي نشرب كاس ماء بيتهيالي في دماغي اني شربت 2 كاسين
قال لها الدكتووور
كولي نصف تفاحة لكي يتقبلها دماغك وكانك اكلتي واحدة
واشربي نصف كاس ماء وكانك شربت كاس كامل

قالت له العجوز شكرا وكم حقك في المعاينة قال لها 200 دج
فاعطته 100 دج
وقال لها لمدا
قالت له انا اعطيتك 100دج ولكني في دماغي اعطيتك 200 دج



واحد كان ميت با الجوع

قالك واحد النهار واحد كان ميت با الجوع
جاز على واحد الدار بقا يسمع مع التاقة
كول كول والله غير تاكل... وهو ميت با الجوع نقز مع التاقة زدم عليهوم لقاهوم يلعبو
فالدامة
[/size]

نكت جميلة خاصة تلك التى جمعت اليهودى مع المسلم .
اليكم هاته النكتة : تم حكم الاعدام على حسودين jaloux وعندما جاء وقت تنفيذ الاعدام طلب من الاول اخر امنية فقال :
اريد رؤية امى اما الاخر (وهو اكبر الحساد) فقال : امنيتى ان لا يرى امه.

الله يعطيك الصحة ضحكت من قلبي

شكرا . ما احوجنا للترفيه عن انفسنا بين الفينة والاخرى : فان لم نفعل ذلك فى فصل الربيع ..فمتى نفعل !?