السلام عليكم
كثر الجذب والقيل والقال حول قرارات اللجنه الوطنيه بعد الجمعيه العامه الاخيره والمحدده لطريقه الاحتجاج القادمه.
جل الزملاء ان لم نقل كلهم كانوا مع خيار التصعيد (الاضراب المفتوح او استمرار المقاطعه الاداريه او ..... او ...... او ........)
واخذتهم الحماسه وشككوا حتى في مصداقيه ممثليهم في الجمعيه العامه واللجنه الوطنيه .....
بالنسبه للمقاطعه التي دخلنا فيها الاسبوع الماضي والذي قبله كانت كرد فعل استعجالي لا بد منه لتبليغ رفضنا للقرارات الاخيره الصادره عن الوزاره بالرغم من اننا نعمل انها غير قانونيه منذ البدايه والسبب في الرجوع عنها هو:
اعتبار المقاطعه رفض لاداء الاعمال وتخلي عن المنصب وهو ما ينجر عنه تعليق للراتب وبدأ في قرارات العزل .... اي انك راح تعمل في المؤسسه وانت ماتسلكش ومن منكم يقبل ان يسير امور المؤسسه وراتبه موقف (بمعنى مابعنا ما خفنا ماحببناش نخدمو على الدوله باطل) وماحبيناش نجطو رقبتنا في يد الوزاره ومنين كنا نفاوضو على المطالب نوليو نحولوا يرجعونا نخدمو دون شرط ويضحكو علينا الناس وصرات للي قبلنا وكاين لي ضحك عليهم منا
اما خيار الاضراب المفتوح فهو عقيم في هذه الفتره لانها فتره ميته بالنسبه للمصالح الاقتصاديه ماكان والو تقدر تحبسو ضرك اضافه الى قرب نهايه السنه وخروج التلاميذ .... تدخل في اضراب مفتوح وبعد 15 يوم تغلق المؤسسات ترجع ولا تكمل ولا تقولهم حقا حقا لحق الصيف ورا الكونجي نكملو الاضراب (يعلق الاضراب نظرا للعطله الصيفيه)
ولي يتغنى بايقاف الامتحانات الرسميه الشخص لي يسقسيك هل يحك البريد من عند المدير ام لا يقدر يوقف الامتحانات الرسميه؟ .... كن واقعي الامتحانات الرسميه تخدمها وانت مكره بالتسخير هذا قانون وغير ذلك يعتبر رفض تنفيذ اوامر السلطه السلمية .... يعني مستحيل تتعطل الامتحانات الرسميه
بالنسبه للاضراب الاقتراح من اللجنه الوطنيه كان 15 يوم لكن السؤال المطروح ولي خلى الجمعيه العامه تترفضو هو : ما الهدف من هذا الاضراب ؟
اذا كان شل المؤسسات وايقافها ماعندو حتى معنى لان المؤسسات مشات في الاسبوع الماضي وماعندنا حتى حاجه مؤثره في هاذ الفتره الا غلق المطاعم المدرسيه فقط وهذا ماصراش في الاضراب الماضي الجماعه مقرفه والمطعم يمشي .... بمعنى الاضراب الطويل في هاذ الفتره راح تعاون بيه الدوله فقط ..... ورمضان جاي وكاين لي عندو شهريه وحده ولادو اولى بيها من الدوله
الاضراب الماضي كان الهدف منو ابلاغ رفضنا للوزاره ووصلنا للهدف واجتمعنا مع الوزاره ووصلنا المطالب تاعنا .... والاضراب تاع يومين كل اسبوع الهدف منو اعلام الوزاره اننا مازلنا نستناو في الرد ومازلنا يد وحده ومجتمعين والحراك مازال متواصل باش ماتغفلش علينا وتقولش رام رقدو ويومين كراعاه للمنضلين لي معانا .... اي ان فشل الاضرابات القادمه او نزول النسبه راح يعطي صوره للوزاره اننا تخاذلنا وبالتالي تروح مطالبنا في مهب الريح
انجاح الاضرابات القادمه دليل على صمودنا ووقوفنا جنبا الى جنب لاسترجاع حقوقنا ورساله للوزاره اانا ملتفين حول ممثلينا وهو تهديد للوزاره في حاله عدم الاستجابه راح نكونو واقفين بالمرصاد والدخول المدرسي ليس ببعيد وثم تظهر قوتنا ...
بمعنى اضراب تاع يومين هو قض لمضجع الوزاره نديرونجيها باش تعرف بلي مازالنا هنا ومازلنا نتحركو وفي حاله عدم الاستجابه رانا نديرو اكثر
اما قرار تسليم الاعتمادات للخزينه فهو الضربه التي ستقسم ظهر الوزاره حيث ان تسليم الاعتمادات يعني عدم تنفيذ الميزانيه ولي راو يبكي باشمايخدمش الميزانيه انا نسأل هل دورك يتركز غير في الميزانيه والحساب المالي هذا اولا وهل الميزانيه خدمتك باش تخدمها انت هذا ثانيا ... وثالثا هاي الفرصه باش تعطل الميزانيه سلم الاعتماد تاعك مع طلب الغائه ماتولي محاسب عمومي ماتعود عندك علاقه بالميزانيه
ياجماعه قوتكم في اتحادكم وقبل ما نتسرع في اصدار الاحكام لازم نفهم الوضع ونحلل واش راه صاري ونعرف القوه والضعف تاعي ونعرف وين نضرب وكيفاش نضرب باش ميرتدش علي الكف تاعي ونقول ياريت لي جرا ما صار .....
دمتم كالبنيان المرصوص يشد بعضه بعضا .... وما ضاع حق وراءه طالب
......منقول .....