سياسة الجزائر في 50 ثانية ! (كلمات كريم )

السبع يا بابا ..حاب يبقى حاكم الغابة
دار اجتماع في الجبل فرزها مع الذيابة
الفوق في السحابة النسر راهو سفير
النمـر طامع في اللبة كي عاد وزيــــر
النمل يفـوطي و يستنى في التغييــر
المقنين جورناليست في لاكاجا أسير
حرية التعبيــر .. راحت داتها الحمامة
مادام الكلب لي ينبح يديرولوا كمامة
لي فوتور على الغزالــة بالسيوفـــة
الضبع متخزن و يستنى في الجيفة
الواد معبي بتــرول .. الجمل راهو عطشــــان
العقرب في الدلو و الحوت يسرق في الميزان
الخنزير حاشاك بالحـــــــرام لاباس بيه
و النمل يغيضني لي يجي يعفس عليه
البقرة تحلب و الحليب تاعها صلـح
ولي يقول الصح كيما الكبش يتذبح
الكوبرا نوار تريكلامي على العمال
و الجون.. جابت ثقافة من لا بوبال
الفــأر علاجال العــــط .. تفاهم مع القـــط
الغراب رأسه شاب و الدب راقد على الخط
الخفاش راك تعرف الخدمة غير في الليل
و الفيـل.. مازال داهش من الطير الأبابيل
لاكان فهمتيني .... بكلامي دير كتـــــــاب
و لا ما فهمتينيش في الغابة أنت هو الداب

Karim El Gang Boy ( La page officielle ) 2009